Føroya Sunnasta 1/2 marathon er árligt tiltak hjá Hvistuni, ið verður hildið í septembur á hvørjum ári.

Tiltakið er hugsa sum rørslutiltak, har ein sjálvur avgerð ferðina og um ein gongur ella rennur. Lutakararnir kunnu uppliva vøkru Suðuroynna, mentunarhús, bønhús, kirkjur, náttúruna, gestablídni og mangt annað.

Á túrinum er skipa fyri tónleiki, depotum og øðrum, og á málinum er stórt sjálvtøkuborð, myndatøka og tónleikur.

EN: For english, click the link on the right: ENGLISH: 1/2marathon

Nú er av álvara fari at nærkast til árliga tiltakið hjá Hvistuni, Føroya Sunnasta 1/2 marathon, og koma vit at leggja tilfar út her, so hvør okkurt nýtt er. 

Longu nú eru viðurskifti upp á pláss, ið ger at tiltak okkara verður minst líka hugnaligt og gott sum undanfarin ár. Og tað er júst tað vit ynskja, at fólk kunnu koma saman, nýta ein dag í vøkru Suðuroynni, samstundis sum vit fáa lagt 21,1km afturum, annaðhvørt tað er til gongu, rennandi ella trillandi. 

Luttakarar til okkara tiltak...
Gott lag á luttakarum til okkara 1/2 marathon...

Tilmeldingin er framvegis opin og virkin, og ynskir ein fáa eitt heiðursmerkið og t-shirts, so er at fáa tilmelda seg sum skjótast. Leinkjan til tilmeldingina sæst her: https://hvistan.atgongumerki.fo/webshop/event/845165/order/info

Eitt nýtt tilboð í ár...Hvistan hevur saman við Rib62 fingið til vega ein sauna og heitan pott, soleiðis at tá ið ein kemur á mál, kann nýta hetta frálíka tilboð á sjálvum málinum. Allir luttakaranir til tiltakið kunnu royna hetta ókeypis.